【精選●拍拖好貴】一次要使$865? 「叫你買Pandora就死得啦」-www.thaiboxinghk.com

【精選●拍拖好貴】一次要使$865? 「叫你買Pandora就死得啦」

香港物價和消費水平一向高昂,最近更打入由德意志銀行統計的「拍拖成本」城市排行榜。比較47個城市的花費,將一次「廉價約會」所需的金額,包括的士費、兩份午餐或晚餐、飲品、兩張戲票和幾杯啤酒的價錢作統計。結果顯示,香港於「拍拖成本」最貴城市中全球排第20位,拍一次拖二人須花費約$865,屬亞洲第二高消費城市。

到底拍一次拖是否需要花費這麼多?記者訪問了數十位市民,發現大部份情侶每次拍拖的消費金額一般是$400至$500,貴則一千幾百,但高消費的情況不多,一般都是在大時大節、紀念日才「闊佬」一次。說到拍拖最花費的,不少人都直指送禮給伴侶最破費,鄧先生笑言:「女朋友鍾意嘅嘢可能都好貴,如果叫你買條Pandora就死得啦!」理性男友黃先生就表示:「兩個人將就一下其實都過得去,使費視乎自己預算,做人都可以好彈性嘅。」

如果你有位知慳識儉的女友當然更好,Alba說:「煮飯、櫥窗購物、行山做運動,我們嘅拍拖模式會輕鬆啲,食飯都會食平啲。」真男人阿峰亦表示:「支出會控制住,消費亦唔會太高,因為都要為將來打算。」其實兩個人拍拖,不一定要餐餐大魚大肉、高消費活動,最重要是找到最合適的相處方式,自然會快樂。

記者:莊芷君
攝影:許先煜、梁志永

2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily

本文來源:http://hk.apple.nextmedia.com/realtime/supplement/20170528/56745675




Tag:
本文連結:http://www.thaiboxinghk.com/9345.html