【豬一般的隊友】叔父輩盲撐 周浩鼎極速上位-www.thaiboxinghk.com

【豬一般的隊友】叔父輩盲撐 周浩鼎極速上位

 

相關連結:
【鼎梁UGL打龍通】周浩鼎執業律師樓 曾被點名捲入索償陷阱
http://bit.ly/2qffnpm

鼎,你老母原來係落選港姐
http://bit.ly/2qRNTbi

【評判係周浩鼎前前輩】22歲鼎媽選港姐 口才得唔得?
http://bit.ly/2ryiFc3
____________________
《壹週刊》今期封面 :
【封面 每年10萬 溝淡港人】中資高價搶地 十萬港漂大軍湧港工作讀書
http://bit.ly/2rdDM3J

《壹週刊》今期娛頭 :
【趙學而出埠】建築師老公夜帶索妹返屋企 再連環約中女飲茶隊啤撐枱腳
http://bit.ly/2rwJw8B

立法會調查梁振英UGL事件,結果演變成為「鼎英風波」;689與周浩鼎串謀修改委員會文件,事件至今仍在發酵。在十萬個不願意下,周浩鼎由最初只承認「政治敏感度」不足,不肯辭職,到後來突然跪低,辭掉委員會副主席職務。

被揶揄是「豬一般的隊友」的周浩鼎,上週五在黨友陳克勤陪同下,宣佈即時辭去委員會職務,他一臉無辜地表示自己在事件中無隱瞞、無違規、無違法。據了解,他如此委屈,皆因這是民建聯召開緊急會議後下旨,他無從反抗。

據悉,不少民記中人一直要求他辭職。「裏面嘅人一方面埋怨CY,亦講過叫周浩鼎辭職。呢單嘢唔只搞衰佢自己,仲押上黨嘅名聲。」不過,其實今次周浩鼎出事,不少黨中人卻暗暗偷笑,剝花生等睇戲。

得黨內叔父輩寵愛

原來,周浩鼎在黨內人緣一直麻麻,多年來為了上位,口甜舌滑的他不時向黨內高層擦鞋,深得叔父輩愛錫。早年有傳他是創黨主席曾鈺成「馬房」,亦受現任主席李慧瓊器重。

中華出入口商會(中出)榮譽會長黃定光更是他的師父,當年更有傳黃曾點名周浩鼎接棒。「今次呢單嘢我唔評論,但我仍然支持周浩鼎。呢個後生仔工作比較勤力、亦有佢專業知識,喺民建聯青年人裏面,係比較出類拔萃。」黃定光對本刊說。

去年退出民建聯的黃容根亦說:「咁多後生仔,我係鍾意周浩鼎。至少佢對我哋尊重,唔會上咗位就唔識人。」根叔說。

雖然有黨內「大佬」撐腰,但民記的新一代卻對他相當眼紅。「佢未紅之前,幾乎個個禮拜都會同班青年民建聯黨友,一齊去《城市論壇》搏上鏡,但幾乎次次都係佢搶咪發言,有佢講無人講,其他人好似佢嘅佈景板咁。」政界中人對本刊說。

其中最受注目,是一四年壹傳媒集團主席黎智英出席《城市論壇》時,黎提出中央因為恐懼六二二公投結果,所以派黑客攻擊投票系統。結果當日以青年民建聯主席身份出席論壇的周浩鼎,指黎智英「屈得就屈」。雙方一輪舌戰,黎當時更直斥周「好無恥」,將歪理說成真理。

周浩鼎在同輩中表現較為突出,亦搶去民建聯不少同輩的光芒,其中有指現任功能組別立法會議員劉國勳最氣上心頭。劉本身畢業於香港中文大學社會學文學碩士,一一年香港區議會選舉中,曾以近四千八百票高票成功連任,成為該屆區議會選舉中得票最高「票王」。一五年,他更與民建聯元老呂學能女兒呂迪明結婚,去年自動當選立法會選舉,替任不再連任的葉國謙。

劉國勳在黨內一片光明,惟周浩鼎夾着律師專業資格出現後,搶走不少風頭。但劉接受本刊查詢時,否認有關說法。「我無呢種感覺,我唔想有太多評論,總之我同佢關係OK。」至於是否輸給周浩鼎「專業」?劉國勳卻語帶雙關說:「傳統上你覺得係(律師)專業人士,咁喺地區工作做得好叻,都可以係專業。」

本文來源:http://nextplus.nextmedia.com/news/latest/20170524/513564




Tag:
本文链接:http://www.thaiboxinghk.com/9128.html