【李八方online】馮煒光護689又出醜?網誌行文沙石多兼甩漏-www.thaiboxinghk.com

【李八方online】馮煒光護689又出醜?網誌行文沙石多兼甩漏

特首梁振英連日喺網誌向專業議政梁繼昌口諸筆伐,出盡力狙擊想迫對方退出調查UGL嘅專責委員會。有關網誌嘅內容,嚟嚟去去三幅被,討論嚟都無謂,但連日網誌嘅寫作技巧,卻令政界花生友議論紛紛。政壇流傳呢種用列點式寫作嘅「文章」,係出自日薪一萬自比「白宮發言人」嘅新聞統籌專員馮煒光,有人笑稱,IC係咪連寫一篇完整文章嘅功力都欠奉?

家仲係學生哥、喺嶺大修讀文化研究嘅香港眾志羅冠聰睇完梁特嘅狙擊網誌,都大吃一驚,唔係因為內容出色,而係行文實在失色,呼籲家長同學生,如果想學好中文,千祈咪睇梁特文章,皆因「質素非常垃圾」、「行文沙石好勁」,認為任何一個考DSE嘅學生,寫實用文都好過佢。

八方睇睇佢噚日篇有8點內容嘅網誌,「兩年半多來」等字句不斷重複,同時語焉不詳,竟然唔講(定隱暪?)梁繼昌舉報梁振英乜東東喎,甚至寫寫下出現埋口語,認真騎呢,如果係學生交功課,分分鐘被要求重寫。

既然梁特咁喜歡修訂文件,八方有樣學樣,節錄一段跟風試下修改,反正梁特自己都話啦,公開文件大家都可以提出意見嘛,但八方改改吓,發現第6至8點無限loop,根本跟唔到佢嘅邏輯,如果真係要改,必須全部delete,IC咁樣呃稿費,認真要扣人工囉!

本文來源:http://hk.apple.nextmedia.com/realtime/news/20170523/56729135




Tag:
本文链接:http://www.thaiboxinghk.com/9085.html