【抑鬱童年】走出自殺陰霾 中大女生義教基層「幫昔日嘅自己」-www.thaiboxinghk.com

【抑鬱童年】走出自殺陰霾 中大女生義教基層「幫昔日嘅自己」

 

相關連結:
【抑鬱童年】受父母離婚打擊 港女憶六歲企跳尋死小四想燒炭
http://bit.ly/2rsXng2
_______________________
《壹週刊》周二頭條 :
【俾個叻你】無障礙的士大比拚 邊間有五星級服務咁勁?
http://bit.ly/2qbHp5a

《壹週刊》周二娛頭 :
【拍賣後冠勞心腦瘤復發】李珊珊高燒休克 再call白車入院
http://bit.ly/2q3bjNO

中文大學中文係畢業生潘書韻,今年廿二歲,因自小父母離異,由嫲嫲湊大而充滿自卑感,小學時企圖自殺,幸最終「大步檻過」。大學畢業後,潘書韻任職補習社導師,當上義教老師,希望幫助有需要的人。

「我細個好少說話,喺學校係冇咩社交,同學會欺淩我,覺得我智力有問題。生存意義都冇,更加唔想讀書,成績好差。老師有搵過我傾,不過用質問我嘅態度。學校有個小老師計劃,隻係得那個大姐姐好耐心教我。」

「我係早熟嘅細路,我知自己同其他小朋友際遇唔同,唔明白個天點解咁唔公平。學校活動、家長日,人哋有父母參與,而我永遠得嫲嫲,我唔想其他人知我冇父母。同學無論點都好,起碼都會有父母的關心,但我就好似咩都冇。」

「升中後,我開始努力讀書,主動認識不同的朋友,我亦順利升中大讀中文係。回望過去,我希望自己將來,可以做一個老師,幫番一些同我一樣有需要的幫忙的小朋友。現在正職做補習老師,仲會抽一日去義教,免費幫一些基層或南亞裔的小朋友。」

「我理解學校老師好忙,冇時間處理學生情緒。我見過有老師夾埋班學生,一齊去笑我的好朋友。小學時,我被欺淩,老師無理過,認定我是懶和蠢。但係唔係讀唔到書,就代表是懶?點解要贏在起跑,不可以中途追上?我都一樣做到。老師的一句話,好影響學生。雖然我的童年未必同佢哋一樣,但各自都承受著不同的壓力和情緒,我都希望可以幫到他們,就好似幫當初的自己一樣。」

撰文:黎雅婷

攝錄:葉漢華

本文來源:http://nextplus.nextmedia.com/news/latest/20170523/511143




Tag:
本文链接:http://www.thaiboxinghk.com/9074.html