【南亞人●暴力潮有片】南亞人控制賊贓天堂 買冰毒有秘密手語

【南亞人●暴力潮有片】南亞人控制賊贓天堂買冰毒有秘密手語


 

相關連結:
【南亞人●暴力潮】恐怖獨家片 街頭開片出斧頭
https://goo.gl/pfuB2S

【南亞人 暴力潮】疑似江湖人士爭地盤 40人牛頭角械鬥
https://goo.gl/bG3DHf

【南亞人 暴力潮】南亞人控制!深水埗入夜淪賊贓天堂 買冰毒打暗號手勢
https://goo.gl/VItBlx

【南亞人 暴力潮】街坊提心吊膽 區議員促警方遏止
https://goo.gl/8QO8eA
_________________________
《壹週刊》周四娛頭 :
【與男友分房瞓8年】不婚湯寶如︰個仔維繫住我哋
https://goo.gl/CmiurV

發生連串南亞人集體打鬥案件,不少市民都擔心情況會愈趨惡化,「依家好多南亞人,背後都有黑社會操控同支持,從事非法勾當搵快錢。當出現利益衝突時,咪開片爭地盤囉。」熟悉內情的阿華(化名)表示,南亞人打鬥所用的武器,都是由黑幫社團提供。

阿華又說,南亞人以前多聚居元朗或佐敦,熟落後便向各區遷徙,「南亞人膽正命平,俾少少甜頭就可收買,犯法嘢都肯做。」阿華表示,這班南亞人已逐漸取代本地低層古惑仔的工作,「例如Keeper(主持人)、拆家、天文台(睇水)或運毒,依家好多都係由南亞人做,尤其係申請緊酷刑聲請既「假難民」,因為警方完全唔知呢班人既背景,搜集情報有困難。」

其中本刊調查後發現,發生多次南亞人的深水埗,涉及盤據該區的巴基斯坦和印度兩個族群,當中大部分是持「行街紙」的南亞人,「巴基同印度佬一向唔妥,而且兩幫人鬥爭地盤,關乎利益問題,所以咪成日開片囉。」阿華表示,兩幫人除了爭二手買賣市場外,還爭奪區內的黃賭毒犯法勾當,「班南亞人跟黑幫和勝和、新義安及14K關係密切,大家唔同社團,當然多衝突。」

據悉,深水埗的回收生意,以前是由一名叫肥華的古惑仔壟斷,其後一名叫「拉布」的巴基斯坦小頭目,帶著一班同鄉兄弟來爭地盤,由於他們人多勢眾,很快便統領這區的回收生意,專做電器二手買賣。由於利潤豐厚,在這裡「打躉」的印度人也想分一杯羹,兩幫人不時為生意問題爭執,「每晚食環署職員收工後,巴基同印度佬就會霸位擺地攤賣貨。」

另外,這班南亞人更會賣賊贓賺錢,「前晚爆格得來嘅賊贓,第二日即會喺深水埗地攤放售,例如偷番嚟嘅名貴單車,唔通擺上網咩,一定係即場交收最安全快捷。」阿華形容,深水埗的地攤猶如一個賊贓散貨場,情況已達無法無天,所以每天都有南亞人搶著擺檔,「依家好多偷番嚟嘅手機,唔會喺先達放售,因隨時被海關捉到,但深水埗擺地攤就唔同,海關調查有困難。」

除了二手買賣,主要令到南亞人發生連場廝殺的,原來是區內的毒品生意。深水埗,本來就是毒品溫床,販毒是黑幫主要收入。而早前的南亞人打大交事件,亦和爭奪毒品市場客源有關。據悉,深水埗區內的毒品市場,主要由和勝和及14K操控。而黑幫喜歡僱用南亞人做毒品飯堂的Keeper(主持人),又或做小拆家散貨及運送毒品等,「因為班南亞人好易氹,請飲請食俾少少錢就搞掂,加上佢地年輕力壯,打交又夠狼死,好過用班企都企唔穩既道友啦。」

另外,有古惑仔為使南亞幫更聽教聽話,會設局令他們染上毒癮,「班南亞人為咗吸毒,莫講話運毒,叫佢哋去劈友斬人都得。」為搵快錢又或得到毒品「上電」,不少南亞人甘願被黑幫操控,挺而走險販賣毒品。「當中撈毒嘅南亞幫,好多都係持『行街紙』嘅假難民,因為警方無佢哋資料,好難跟。就算俾警察拉,最多咪棄保潛逃離開香港。」

深水埗多癮君子,所以這裡特別多毒品飯堂。阿華表示,單是大南街一帶唐樓,已經有十多二十間毒品飯堂,「毒品飯堂樓下,會有攤檔販賣冰壺和碎大麻機等吸食毒品既工具。道友跟檔販打手勢後,就可以上樓『開餐』。」更離譜的是,有南亞拆家貪求方便,竟然就在人來人往的地攤公然販賣毒品,「啲冰毒暗中藏喺二手貨物內,警察都估唔到。當然,上毒品飯堂嘅價錢會貴啲,因為毒販要提供地方及工具。」

撰文:艾馬

攝影:韋平、海江田

本文來源:http://nextplus.nextmedia.com/news/latest/20170511/508919




Tag:
本文链接:http://www.thaiboxinghk.com/8436.html