【慳到盡】土炮發明家節能之道 唔熬老火湯唔熨衫-www.thaiboxinghk.com

【慳到盡】土炮發明家節能之道 唔熬老火湯唔熨衫

堆填區是本學堂主席陳榮禮(Eddie)的敵人,在他成長的年代,人人都窮,他家可以更窮:「乜嘢壞咗都隻整唔買,左慳水右慳電,變咗習慣。」他退休前是通訊係統軟件開發工程人員,兼任環保經理,後來轉營環保科技事業。22年前搬到郊區住村屋,天大地大又有天台喎,發達啦!兩年前拜訪他家與「研究室」,垃圾站撿回來的三個紅酒櫃、朋友不要的舊電視電腦、音響甚至濾水器堆滿屋,然後經他肢解重組後正常運作,送禮自用,既對抗堆填區也提供高級生活享受。現在他家有四套太陽能裝置,還有風力發電與研究中的水力發電。陽光普照之時,每日可提供五至六度即約三分二的電力,不開冷氣是基本,還夠煮兩餐飯、看一會電視及開數小時風扇,「假設一元一度電,我現在每月還在付約100至120元的電費。」他有個目標:「希望喺2017年底,就完完全全用可再生能源供應自家需要,就能成為自己嘅一個零碳天地。」
雖然整埋整埋一大堆,但Eddie的環保理念,「慳」是易過「研發能源」。他指指手上的太陽能冷凍器,「呢個散熱器,我無拎去回收站,已經節省咗唔少能源!要製造咁樣嘅鋁要好多錢,然後將呢嚿鋁回收破碎,再將佢製作成第二樣產品都要花好多能源。我重用緊一件舊物件,已經係節約能源嘅一個好重要態度。」說到底,物件的命越長,我們的命都更長。他的節能生活,是這樣的:

1.不熬湯:老婆大人都是環保人士,常備簡約餐單,「我屋企唔熬老火湯,因專家話過我哋知,熬六個鐘頭以上嘅老火湯,同你煮青菜嘅湯,可能營養價值差唔多。」

2.不熨衫:買清涼環保的衣物。他家衣櫃多數是快乾運動T-shirt。「唔使熨嘅,就唔熨咯。唔好意思我啲衫有啲皺,有時做運動走得快啲,出咗汗濕咗,其實就會直番,哈哈。」

3.跟從日照生活:Eddie是晨型人,晨早四點起床,但他都覺得是壞習慣,「都仲要開燈(雖然是慳電膽)。例如依家係夏令時間,五點半起床係最好嘅,因為剛開始天光。」利用日照乾衣。

有說生產太陽能板本身已是一種汙染,而且好貴一套,才省得下那麼一點點電費,得不償失喎,Eddie:「其實如果你講汙染物,咁我哋應該呢,可能就要滅絕人類啦!因為人類由一出世嗰塊紙尿片開始,直至到訓入棺材都係汙染物。」精煉這些太陽能板需要很多能源,但產生能源有好多種方法,例如一間製造太陽能板的工廠,本身已經可以用太陽能發電。以一套太陽能板可以用20年嘅壽命計算,生產與處理太陽能板的過程可能隻佔少少時間,但平衡利弊,相信太陽能板仍然有作用。其實世界好多地方已經廣泛應用太陽能,除大澳的太陽能村,今年二月起,石壁水塘都試用太陽能板,預計可供36戶居民用電一年,均是好開始,「你問我呢,要歸究就歸究做事相當慢嘅政府,如果我哋將太陽能產生出來嘅電力直接入去電力公司嘅網絡,其實就解決咗好多問題。」
我們再努力,發展可再生能源生產電力,可能隻能幫我們省到日常生活中約百分之十的能源;若我們改變生活習慣,卻可以省回百分之四十的電力。極端的節省生活或需天時地利人和,但能省則省,總有方法解決,「一起努力喇,七百萬人,有七百萬個效應,一齊努力減碳去環保。」

記者:陳慧敏
攝影:許先煜

2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily

-------------------------------------------------------------------------------------------------------------------------------------
緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB

「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw
-------------------------------------------------------------------------------------------------------------------------------------

本文來源:http://hk.apple.nextmedia.com/realtime/supplement/20170422/56594869




Tag:
本文链接:http://www.thaiboxinghk.com/7347.html