銅鑼灣一年多9部戶外電視 區議員轟光污染約章冇料到-www.thaiboxinghk.com

銅鑼灣一年多9部戶外電視 區議員轟光污染約章冇料到

伍婉婷指《戶外燈光約章》生效一年來,區內已增加了8部戶外電視,加上崇光現正興建全港最大的戶外電視,擔心區內光污染問題會加劇。 伍形容因為區內有眾多廣告牌、射燈等,令銅鑼灣晚上光害污染嚴重。

【更新:新增影片】
本港目前並無法例規管戶外燈光造成的光污染問題,環境局去年2月僅推出《戶外燈光約章》,近千家參與的商戶承諾每晚11點或12點後自願熄燈至翌日早上7點。不過,有區議員炮轟約章成效不彰,單是銅鑼灣區在約章生效以來已增加了8部巨型戶外電視螢幕,日夜播片產生的聲光滋擾鄰近居民生活,擔心銅鑼灣崇光百貨興建中全港最大4,000呎巨型螢幕落成後,會令區內光污染問題更為嚴重。

灣仔區議員伍婉婷稱,銅鑼灣即使到深夜,街頭仍有無數廣告招牌、射燈、戶外電視照射,變成名符其實的「不夜天」,「個約章根本係完全無效,因為肯簽嘅,一係就係本身都比較受守規、有社會責任意識嘅機構,一係就好似崇光咁,崇光都簽咗㗎!」她指約章只要求商戶在深夜熄燈,作用不大,「佢(崇光)閂門閂10點,但約章就係要你11點或者12點之前熄燈都可以簽,呢啲根本對佢本身運作無用響嘅,佢就照簽,根本對推動大家減少光污染完全無效囉」。

伍形容崇光百貨現正安裝的電視螢幕將成為區內第9部大型戶外電視,希望商戶顧念到與社區的關係,避免造成更嚴重的光害,「所有美化、宣傳對廣都係想自己機構有正面形象啫,但係呢件事見到呢啲對機構正面形象係無幫助,希望佢哋都知道唔好再做呢啲事」,她更希望政府盡快就禁止光污染進行立法,取代現有的約章減少光害。

記者 賴莉娜

本文來源:http://hk.apple.nextmedia.com/realtime/news/20170420/56588238




Tag:
本文連結:http://www.thaiboxinghk.com/7234.html