【每日重溫】大學生自學寫APP 推領養平台救毛孩-www.thaiboxinghk.com

【每日重溫】大學生自學寫APP 推領養平台救毛孩

 

相關連結:
【每日必睇●Startup】遙距睇醫生慳時間 專家:寵物網購有市場
http://bit.ly/2nuibm4

【每日必睇●Startup】無謂乳頭當腫瘤 80後創24小時網上寵物睇症
http://bit.ly/2nXQE8R

【每日必睇●創業貼士】Startup掟錢邊係辦法 點樣快速測試市場﹖
http://bit.ly/2ompPhz

相關連結:
【每日必睇●Startup】遙距睇醫生慳時間 專家:寵物網購有市場
http://bit.ly/2nuibm4

【每日重溫】被虐小狗走出陰霾 重獲新生變自戀怪
http://bit.ly/2pihyZ6


人類的一生,可以有很多寵物。但寵物呢,最渴望其實就是一生一世,只得一個主人。特別是狗狗,在遭到棄養後,牠的餘生都要承受着極大的痛苦。看着這些孤苦無依的小動物,大家願意給毛孩一個新家嗎?

剛剛大學畢業的Ray自小喜歡狗狗,一直想幫助毛孩尋家:「依家你會都會見到有好多facebook嘅專頁都係領養動物嘅,但係覺得始終啲專頁有太多,資訊有啲混亂,有時洗版都會洗走咗好多(領養資訊)搞到沉咗底,但唔代表嗰隻動物會隨住個post消失,佢仍然需要一個家。所以想寫個app。」

不諳撰寫手機程式的他,花了幾個月時間上網自學,終在兩個月前創立了手機程式「HKAppDopt」,成為了香港第一個領養資訊平台。「佢哋要被看見,先會有機會重獲新生。」

不論是獨立動物義工或是動物團體,任何人都可以於程式上上載待領養動物的訊息。一進入程式介面,待領養動物的品種、歲數、性別等即一覽無遺。有意領養者亦可根據自己的偏好進行搜尋,看中合眼緣的小動物後,只需按下「申請領養」一鍵留名,即可與放養人聯絡。另外,程式現時亦新增了獸醫及義工服務的資訊,邁向更多元化。「HKAppDopt」至今累積了二千多次下載,而申請領養的人數則約有七十名。

Ray寫出「HKAppDopt」推廣領養文化,其實是受到姐姐Ivy的啟發。「你望佢由一個好慘嘅小朋友,經你教導之後,佢可以有個好健康嘅家庭,好健康開心嘅生活,其實好好。」

明顯Ivy也是愛狗之人,家中兩隻唐狗Elmo和Euro也是領養回來的。Elmo和Euro在郊外一個垃圾崗被發現,當時有皮膚病,但經過Ivy的悉心照料,禿禿的皮膚已重新長出茂密亮澤的毛髮。

她說,也明白普遍人不大喜歡領養唐狗,但她卻對唐狗情有獨鍾:「唐狗呢,身形一定係隻隻都大,唐狗我自己感,佢靈性會再好啲,佢會感受到主人嘅喜怒哀樂各樣野。同埋我覺得如果你有心去養嘅話,養成犬啦,你唔使點教㗎。」

兩姐弟也表示,香港人對「買狗」存有誤解:「好多時會覺得,買咗隻狗都係幫咗隻狗,但其實你越買多一隻,就越增加狗場嘅利益,佢哋只會不停繁殖更多嘅狗俾人買。」Ray同時建議政府儘快立法,停止發牌予狗場,正視動物權益。

記者:張馨文
攝影:梁譽東

本文來源:http://nextplus.nextmedia.com/news/latest/20170410/498328




Tag:
本文連結:http://www.thaiboxinghk.com/6568.html