【每日重溫●廢青不廢】在職思想貧窮 90後港女裸辭做木工尋自我-www.thaiboxinghk.com

【每日重溫●廢青不廢】在職思想貧窮 90後港女裸辭做木工尋自我

 

相關連結:【每日必睇●Freelancer無保障】自由工作者被剝削 美其名:幫你建立履歷
http://bit.ly/2oa6XC7

【每日必睇●Freelancer無保障】$300 請畢業生剪樓盤片 地產經紀壓價:呢個係天殺價
http://bit.ly/2oabggM

【每日重溫 炒散都work】懶人賣男性恩物 港男日做2小時月賺過萬
http://bit.ly/2oai4uv

【每日重溫 坦白講】90後堅拒做樓奴 月入九千「廢青」最緊要攝影
http://bit.ly/2p9GBh6

二十四歲的封曉彤,初踏入社會工作,隨即發現自己「在職思想貧窮」,幸而從木工找回自我,開設「碎念工房」Facebook專頁,「#廢青玩廢木」,卻從不認廢。

「九十後呢代人,經歷傘後,對社會及自己前途都有好重嘅無力感,畢業係迷失嘅開始。我第一份工入咗一間大型社福機構,滿腔熱誠服務社會,點知自己只係齒輪入面一粒小螺絲,咩都做唔到。」

「我讀文化研究,想舉辦文化導賞活動,帶小朋友認識香港歷史,自己帶團,收費便宜。上司一句:『唔得!』所有心機白費。文化活動無證書,喺上司眼中無價值,命令我搞鋼琴、芭蕾舞等賺錢,受怪獸家長歡迎嘅熱門班。呢啲班周街都係,年年都有,點解唔可以俾我發揮少少創意?去社區中心唔係受難,而係啟發小朋友成長。我都係咁長大,更加唔想成為幫兇,搞啲辛苦佢哋嘅活動!」

「制度官僚,令我完全無咗自己思想,加上工時長,就算我完成哂工作,都要坐足時數先可以走。半年後我就裸辭,之後做過唔同類型Freelance,而家做藝術行政,彈性上班時間,創造適合我嘅工作模式。工餘時,我喺廢木中尋回自我。」

「起初我想要一個層架嚟放書,去宜家家俬睇唔啱,就諗,可唔可以自己整?結果我喺街邊垃圾站,執咗個櫃,鬆咗螺絲,抽走木板,抹乾淨,裁啱呎吋,搞掂!減少購物,自己製造,仲會開班教人燒木,做義工幫『百好士多』整木圍欄。」

撰文:關卓凌

攝錄:葉漢華

本文來源:http://nextplus.nextmedia.com/news/latest/20170408/497978




Tag:
本文連結:http://www.thaiboxinghk.com/6312.html