【DSE】通識科考生呻題目奇怪:成份卷都凍過水啦

【DSE】通識科考生呻題目奇怪:成份卷都凍過水啦張誌華攝

【新增短片】
DSE主科今開考,第一科是通識科,卷一及二也沒有純政治題目。考生蒙同學認為試題難度適中,並在卷二選擇題中揀選了青少年吸食電子煙的題目,「本來比較驚出政治全球化、香港政黨政治等題目……相對之前(歷年試題)嚟講,我覺得易咗啲啲」,預計整體可考獲3。

考生廖同學亦認為今年試題較預期中淺,「貼近民生較易答,依家香港較多政治問題……出返民生就較易俾青少年答」,他亦選答青少年吸食電子煙題目,並指因政治題目牽涉較多住屋、教育、醫療範疇,「答嘅嘢比較多,所以擔心答政治題會較易離題」,預計可考獲等級4或5。

另一名考生廖同學則直言「好難」,「無題貼得中呀……好難呀,啲題目好奇怪,所以唔識點答」,又指在選答題中揀選了全球化工業,「我剩係諗到快餐店,諗唔到其他(例子)」,稱無政治題雖更易發揮,可避免答題時立場偏激、出現「考官或者唔鍾意」的情況,惟無信心可達成本來的目標等級4,慨嘆「成份卷都凍過水啦」。

今年通識科卷二中全無政治題,三條題目分別有關全球化工業「快速時裝」;青年人使用電子煙及科技創新對傳統文化影響。

本文來源:http://hk.apple.nextmedia.com/realtime/news/20170403/56516567




Tag:
本文链接:http://www.thaiboxinghk.com/5615.html