【30歲前要創業啦】嫩男開醫館被病人挑機:你咁後生應該唔識睇症-www.thaiboxinghk.com

【30歲前要創業啦】嫩男開醫館被病人挑機:你咁後生應該唔識睇症

 

相關連結:【30歲前要創業啦】自己開中醫診所 29歲港男遇明師鼓勵走出成功路

http://bit.ly/2ojoGbs

「我叫Herman,2014年喺浸會大學中醫學士畢業,Pass咗個中醫執業試後行醫到而家。」Herman在2014年畢業於香港浸會大學,主修中醫,畢業後一直在其他中醫診所做執業中醫師,直至他今年29歳時,決定自己另起爐灶,和朋友夾資開設了自己的中醫診所。

「我要做中醫這個志願,係中學立下嘅。因為中學時對中醫有興趣,在機緣巧合下認識中醫嘅基礎理論,例如陰陽學說、臟腑學說、五行學說,知道咗心肝脾肺腎與金木水火土有關,覺得很有趣,加上自己想透過某些途經幫人,而中醫可用天然的方法幫人,例如用草葯、針灸、拔罐等方法幫人,我覺得很有意義,當刻便立志做個中醫師。」

要成立自己的事業需要面對不少壓力,除了應付舖租、收支平衡這些經濟問題,Herman指新店開張前,要獨力處理很多瑣碎的事,例如討論和決策新店裝修、建立電腦系統、搬運傢具等等,身心承受了很大的壓力,結果在新店開張第五天時,腰痛得不能走動,他還擔心害怕會從此癱掉,慶幸他的中醫朋友幫他推拿、針灸,他才能夠復元。

Herman還認為做中醫最大的困難是論資排輩:「中醫好難避免去論資排輩。我份工最大嘅困難,係大部份市民會選擇睇年資較大嘅前輩。」他表示這是理解的,因為大家都希望將自己的健康交給更有經驗的人處理,所以有時難免年輕醫師會被看輕。

「好似我以前工作嘅地方,有個病人感冒黎睇我,睇好咗後問我:『喂,你有無睇腫瘤科嘅醫生介紹?你知啦,你咁後生你都應該唔識睇。』」後來Herman介紹了另一個醫師給那客人,那客人事後還是覺得他比較好,竟然回來繼續看他,還成為了朋友。

Herman認為一定會有群眾不相信他們這些年輕醫師,但他相信只要用心和專業態度去對待病人,一定可以打破這些困難。

開業至今,Herman表示診所暫時都能夠達至收支平衡,當他被問到會否因要處理各方面的壓力而變得不快樂,他卻認為做到自己想做、喜歡做的事便很快樂。

「快樂可以係一件好簡單嘅事,譬如我鍾意診症,見到病人開心就會好開心。咁講好似有啲寸,但每到星期一我都覺得好開心,因為又可以睇病。其實我好享受同病人相處,因為除咗診治病人,我仲會從字裡行間知道病人嘅睇法,好似認識緊一個朋友,建立一啲關係。」

撰文:呠唧
攝影:王晴

本文来源:http://nextplus.nextmedia.com/news/latest/20170401/492545




Tag:
本文链接:http://www.thaiboxinghk.com/5356.html