傅嘉莉買Leica搏呃like 行山其實另有目的-www.thaiboxinghk.com

傅嘉莉買Leica搏呃like 行山其實另有目的

 

傅嘉莉(Kelly)已投入拍攝新劇《包青天》,為練得一身好body睇得又兼打得,Kelly密密練摔跤,除此之外佢仲同樂瞳、譚凱琪、黃嘉樂及楊潮凱等人,組成俊男美女行山團練氣,但實情佢哋係想影靚相放上網「呃like」,Kelly最近自掏腰包買咗部幾萬蚊Leica相機:「我一早已經被這品牌吸引,髮型師又係佢fans,所以成日孖住去相機舖睇機,向售貨員問好多問題,好唔好意思,掙扎咗年幾就撲鎚買,我唔係專業攝影師,所以只買咗部細機。做Artist成日要PO相,我想PO啲質素好啲嘅相,於是買完機就開始計劃上堂學影相,有時都會同其他Artist一齊研究下,佢哋仲笑話影相最緊要係個Model靚呢!」
所以Kelly不時會約樂瞳、譚凱琪、黃嘉樂及楊潮凱等「登山」拍照,做運動兼影靚相一舉兩得:「我哋不停互影,因大家都是Artist,明白要捕捉最佳角度好難,所以唔似同其他朋友一齊咁會被嫌棄影太多相,覺得唔耐煩,會問影夠未?我哋每次喺同一位置會影成百幾二百張相,影到靚為止,唔係人人有呢種耐性,被陽光曬到燶都唔理,被蚊咬痕到顛都繼續影,要對攝影有一份熱情先做得到,喺工作上結識到呢班志同道合嘅行山友真開心,成日一齊吃喝玩樂,keep住一齊影一齊PO一齊呃like。嘉樂同潮凱PO完相仲吸引到啲男性朋友叫佢哋辦行山團,佢哋講笑話就算要收團費都有大把人報名。」

本文來源:http://nextplus.nextmedia.com/news/latest/20171208/562766




Tag:
本文連結:http://www.thaiboxinghk.com/53434.html