中環出更:唔撈港大 馬斐森為咗老婆?-www.thaiboxinghk.com

中環出更:唔撈港大 馬斐森為咗老婆?

香港大學校長馬斐森早前宣布提早離任,跳槽到蘇格蘭愛丁堡大學做校長,引起外界揣測佢因抵受唔住政治壓力而離任。佢接受中文大學新聞與傳播學院刊物《大學線》訪問時,詳述令佢辭職嘅家庭理由,原來佢太太喺英國係牙醫,但喺香港卻未能執業,而佢身在英國嘅母親亦年事已高,需要照顧,佢到愛丁堡工作,除咗考量大學嘅名氣,亦因為可以更方便照顧家庭。

馬斐森(右)離職其中一個理由係佢做牙醫嘅太太唔可以喺香港執業。(資料圖片)馬斐森(右)離職其中一個理由係佢做牙醫嘅太太唔可以喺香港執業。(資料圖片)

否認為整靚CV來港

馬斐森話其他人認為佢提早離任係不負責任,佢可以理解,但並唔同意,重申港大無咗佢依然繼續運作,並唔係佢一個人嘅事。對於港大學生會前會長馮敬恩批評佢嚟港大只係為咗豐富「亞洲經驗」履歷表(CV),佢激動地否認,話自己曾收到數百條支持佢辭職決定嘅訊息,認為以數字而言,馮敬恩等人嘅批評屬少數。

港大自馬斐森上任以來經歷連串風波,師生關係日益緊張,馬斐森話明白學生積極參與政治嘅心態,學生相信政治環境同生活息息相關,希望自己能帶嚟改變。身為校長,佢都同情學生年紀輕輕,就要為房屋、收入同工作而充滿不安及憂慮,但佢強調訴求要以非暴力同合法嘅方式表達,於他而言,上年一月港大學生衝擊校委會確係最壞嘅情況,佢當時嘅人身安全受到威脅,唔同意學生以暴力表達不滿,罔顧他人安全咁話。

卓妮


本文来源:http://orientaldaily.on.cc/cnt/news/20170329/00176_104.html




Tag:
本文链接:http://www.thaiboxinghk.com/4723.html