【八方剝花生】胡官得票係咪個位數 點解政界咁關注?-www.thaiboxinghk.com

【八方剝花生】胡官得票係咪個位數 點解政界咁關注?

到底,奇蹟會唔會出現?等多兩日,自有分曉!

而每逢選舉前夕,政壇都有唔少飯局賭盤湧現,去年底「勁草」梁振英突然被中央DQ,唔畀佢參選連任特首,除咗令到成地眼鏡碎,亦令唔少扒冷者贏咗幾餐飯。

至於呢一戰,據聞亦有唔少政界中人開盤,除咗好正路嘅林鄭係咪勝出呢個熱門盤,亦有其他,包括到底林鄭係以高過定低過689票勝出,以及去唔去到中央想要嘅750票指標呢?

嗱嗱嗱,查實呢啲估算,都係比較大路嘢,有啲政界中人就玩另類,唔賭林鄭攞到幾多票,覺得大局既定下結果係點,都唔多有趣,反而推出另類盤,而主角就係大冷門胡國興。

據聞有人打賭緊,胡官最終得票有幾多?八方聽聞,個位數嘅盤都好受追捧,唔知胡官會唔會帶挈呢班人有餐飯食呢?

本文來源:http://hk.apple.nextmedia.com/realtime/news/20170324/56473947




Tag:
本文連結:http://www.thaiboxinghk.com/4001.html