【認有「不合作醫生」名單】王穎妤大佬入圍 AIA:不構成不尊重醫生-www.thaiboxinghk.com

【認有「不合作醫生」名單】王穎妤大佬入圍 AIA:不構成不尊重醫生

 

有保險業界人士指,若病人由私家醫院轉到日間手術中心進行小型手術,最多可節省六、七成開支:「好似照腸鏡咁,坊間日間手術中心夾埋都係幾千蚊左右,但每間私家醫院收費差距就好大,好似養和咁,起碼要兩、三萬元。」

據知,AIA會定時統計每名醫生的索賠原因及金額。有部份醫生被列入「不合作醫生」名單,記者閱覽該「不合作醫生」名單,發現表內包括現職風濕專科醫生、王穎妤兄長王紹文。王紹文於香港大學醫學院畢業,自己亦在醫療中心「醫薈坊」掛單接客,本刊就名單一事向王紹文查詢,他要求記者先留下問題,但最後並未回覆。至於另一位在名單內的外科醫生岑緯邦,其診所職員表示不會接受傳媒訪問。

本刊查詢AIA,對方坦承有「不合作醫生」名單存在:「好似有啲醫生寫嘅手術原因,寫極都係『客人需要』、『個肚好痛』,最終都係搵唔到病因。如果係嘅話,我哋會提醒agent,處理客人理賠時要留意。」他重申只有少量醫生進入名單,不構成「不尊重醫生」。對此,醫學會義務秘書外科醫生林哲玄則指:「我好有興趣知咩叫不合作。我睇唔到邊一方面醫生需要同保險公司合作,我永遠只係對病人。如果有啲嘢係保險公司要求醫生去做,咁我一定係不合作,我點解要睬佢?佢係邊間醫學士?」

撰文:財經組
攝錄:財經組

本文來源:http://nextplus.nextmedia.com/news/latest/20170323/489238




Tag:
本文链接:http://www.thaiboxinghk.com/3874.html