政情:陳曼琪體驗護理搬運器力量

安老事務委員會上星期去咗東京考察,同行嘅委員兼黃大仙區議員陳曼琪(Maggie)話三日兩夜嘅旅程參觀咗唔少東京市政府同私人機構嘅安老設施,了解到當地人口老化情況同安老政策,仲試玩咗一個照顧長者嘅設施。

陳曼琪戴上儀器後,可以輕易提起重物。(互聯網圖片)陳曼琪戴上儀器後,可以輕易提起重物。(互聯網圖片)

赴日取經居家安老

Maggie話日本喺居家安老方面比香港完善,佢試戴咗一個用嚟協助護理員搬運嘅儀器,而戴咗個儀器之後本來要兩個護理員先可以完成嘅搬運工作,只要一個人就可以搞掂,減輕對護理員嘅需求。

佢覺得呢個儀器都幾方便,只要吹氣就可以令使用者突然力大無窮,而且就算佢咁瘦都可以輕易戴起。佢話呢種高科技儀器因為未普及,所以價錢會比較貴,佢建議香港政府買入之後租出去畀有需要人士,又認為儀器對居家安老照顧者有好大幫助。佢又話稍後安老事務委員會亦將開會討論有關事宜。

本文來源:http://orientaldaily.on.cc/cnt/news/20170320/00176_083.html




Tag:
本文链接:http://www.thaiboxinghk.com/3466.html