【旺角騷亂】社運人憂寒蟬效應:萬人僅2人扔樽都變暴動?-www.thaiboxinghk.com

【旺角騷亂】社運人憂寒蟬效應:萬人僅2人扔樽都變暴動?

首次有旺角騷亂被捕人士就暴動罪成判囚,引起社運人士關注。社民連主席吳文遠認為判決影響日後市民參與示威遊行,擔心再推動市民參與大型集會變得困難,「莫講話激烈抗爭,(市民)就算係比較人多啲嘅集會都驚」,不諱言將來會造成更大的寒蟬效應。

根據《公安條例》第19條,如任何參與非法集結的人破壞社會安寧,該集結即屬暴動。曾參與多次示威遊行的社民連主席吳文遠指出,若非法集結被指破壞社會安寧就構成暴動,2014年發生的佔領運動也可被演繹成破壞社會安寧,再以暴動入罪,「非法集結罪點解咁恐怖,就係所謂『破壞社會安寧』,只要你嘅動作客觀上可以令一個普通嘅人覺得懼怕,就可當你係破壞社會安寧」。

吳文遠又反問:「如果一萬人叫囂,算唔算暴動?一萬人裏面有兩個人扔玻璃樽,咁又變成暴動?」吳指《公安條例》中非法集結本身已是不公義,「係港英年代遺留落嚟嘅公安惡法」,過去多年特區政府以此惡法打擊社運人士,阻撓示威。吳強調社民連會繼續上街示威,不會退縮,但擔心會造成更大的寒蟬效應,將來呼籲市民上街會越來越困難,「因為佢哋出嚟嘅代價或風險會更加大」,也反映現時警權、司法等,並非保護市民示威自由空間,「變成一個工具去打壓不同意見嘅聲音」。

香港眾志副秘書長周庭認為今次案件判刑相對較重,但不擔心日後參與社會行動的市民會減少,「要睇番當時嘅社會氛圍,有冇一件好大嘅事情或觸發點,令到好多人想去參與」。

記者 王家文

本文來源:http://hk.apple.nextmedia.com/realtime/news/20170318/56444167




Tag:
本文連結:http://www.thaiboxinghk.com/3376.html