【唔做梗頸二】拍劇升呢兼推新歌 胡鴻鈞翻身有望-www.thaiboxinghk.com

【唔做梗頸二】拍劇升呢兼推新歌 胡鴻鈞翻身有望

 

歌手出身的胡鴻鈞,早年參加《超級巨聲2》攞亞軍,隨即被當時星煥老闆何哲圖睇中簽約旗下,一心以為執到好籌,點知唱片公司轉型同大台合併,胡鴻鈞被安排唱植入式洗腦歌。慘在胡鴻鈞係翻唱人地嘅作品《化蝶》、《明知故犯》等等,新歌冇乜,星運認真麻麻。

上年胡鴻鈞更一度被傳因爲扭計唔肯拍劇,被老闆Herman 掟入雪櫃,最後胡鴻鈞唯有乖乖就範接拍大台劇《殭》搏翻身。意外的是,他演的「傑仔」令不少監製對這位演戲新丁留低好印象,更加安排他在新劇《降魔的》升呢做男二,轉型成功!

Herman 眼見胡鴻鈞事業有起色,又氹得監製開心,終於肯擺多些資源谷他上一線,食住個勢要他拍劇唱歌兩邊走。最近接拍台慶劇《誇世代》兼做埋新歌宣傳, 今次再不是翻唱別人的歌,而是找來全新班底作曲填詞。

一大班歌手朋友包括欣宜、坤哥、許廷鏗、何雁詩等幫手share 推hitrate,好揼本。同時兼顧拍劇同新歌派台的胡鴻鈞,早排同李佳芯拍完劇即刻飛奔去中環一餐廳,約埋盛傳不續約的許廷鏗一齊玩直播睇MV,大家如此老友,一哥之位後繼有人啦!

本文來源:http://nextplus.nextmedia.com/news/latest/20170314/487230




Tag:
本文連結:http://www.thaiboxinghk.com/3224.html