【珍姐唔放人】外援跑兩邊 馬浚偉古裝時裝一齊拍-www.thaiboxinghk.com

【珍姐唔放人】外援跑兩邊 馬浚偉古裝時裝一齊拍

 

大台連開三套重頭劇,花旦小生唔夠用之餘,就連配角都唔夠用。曾勵珍動用全台藝人拍《誇世代》,搞到梅小青同劉家豪要搵外援幫手解決人手問題,但人手都未足以應付,外援之一的馬浚偉更要同時間拍兩套劇,認真忙碌。

馬浚偉在梅小青監製的《深宮計》扮演李隆基,由於是男主角關係,戲份多多,就算是外援也好,都要連踩N個小時進行拍攝。而同一時間,他又要在劉家豪監製的《溏心風暴3》做黃翠如的男朋友,雖然是客串性質,但要同一時間連拍兩套劇集,可見馬浚偉的休息時間是少之又少。

其實翠如男友的角色,大可找其他藝人頂替,不過珍姐Hold起全台可用藝人,真係想找一個都比較難,唯有辛苦馬浚偉這位外援走兩邊。

本文來源:http://nextplus.nextmedia.com/news/latest/20170308/485447




Tag:
本文連結:http://www.thaiboxinghk.com/2796.html