政情:楊章桂芝遊南極 幫團友「追帽」

依家唔少人都選擇去南極探秘,好似香港專業及資深行政人員協會理事楊章桂芝(Cindy)早前亦都同班朋友去完南極旅行,遇到好多有趣嘅經歷,例如追帽喇!

楊章桂芝早前與朋友去南極旅遊。(受訪者提供)楊章桂芝早前與朋友去南極旅遊。(受訪者提供)

點解要追帽?咪就係因為南極唔可以棄置垃圾及遺下任何個人物品囉!Cindy就笑言有次喺船上,有個團員嘅帽子飛走咗,大家就要一齊追咗差唔多十幾二十分鐘,先追返頂帽返嚟。

而喺南極岸上由於唔方便去廁所,所以佢哋每次逗留約三小時就會乘坐接駁嘅橡皮艇返一返上船,結果花咗唔少時間喺更換救生衣及雪靴上。

今次去南極,佢哋途經巴西同秘魯等地方,去咗世界三大瀑布之一、橫跨巴西及阿根廷嘅伊瓜蘇瀑布。佢話除咗坐直升機高空睇及於阿根廷行近睇外,仲可以喺巴西一邊着住雨褸坐快艇近距離觀賞兼感受瀑布,不過水花太勁,着咗雨褸都係會濺到全身濕晒,笑言下次要戴泳鏡先得,又透露阿根廷嗰邊嘅瀑布比較靚,但係要由巴西嗰邊望過去喎。


本文來源:http://orientaldaily.on.cc/cnt/news/20170302/00176_092.html




Tag:
本文链接:http://www.thaiboxinghk.com/2494.html