【盲人調音師】攝影發燒友遇上視力衰退 漆黑中以音樂覓出路

「我自己好鍾意攝影,用咗好多心機時間去經營,我(失明前)去過敘利亞、巴基斯坦,呢啲地方而家都變咗廢墟…… Something happens so you've got to adapt to it,有啲嘢發生咗咁你唯有嘗試順住事態發展。」人生來到五字頭的Calvin,大約13年前視力開始衰退,漸漸決定學習音樂為人生再覓出路,即將成為香港3位盲人鋼琴調音師一份子。漆黑中摸索前路不易,坊間或會覺得失明人士聽覺靈敏有利勝任調音工作,究竟視障人士要成為調音師會遇上甚麼困難?

記者 黃翠儀

本身任職工程師的Calvin,在外國讀書後回港工作多年,曾經是一個喜歡爬山的攝影發燒友,可惜到大約2004年時發現視力開始衰退,「我拍過好多山景夜景相,加上我鍾意去唔係咁大路、比較photogenic(上鏡)嘅地方,但係無辦法(繼續)」。他指自己以往當工程師時工作很依賴視力,當視力不太好時就不能再賴以為生,「我本來完全唔識樂器,咁(視力衰退後)當然就要發展一啲其他嘅興趣,就開始接觸咗Saxophone(色士風)」。從音樂找到另一片天地,他漸漸亦覺得應該再學習一門專業,自去年開始學習調音,每日朝九晚五學了一年,將會考取調音師資格,可以正式投入工作。

他形容,學習色士風好處是用雙手按鍵吹奏,「唔同鋼琴要飛手指,睇唔到會好難搵到個位」,不過難處始終是較難閱讀樂譜。至於學習調音方面,他強調要要經過長時間訓練及反覆練習,因為必須辨別出極微細的不協調,「例如一個琴二百幾條線,左手按軸釘右手調較,假設你調三下調好隻手都郁咗六百幾下,聽咁多個音耳仔會痛,而且你一日唔會只練一個琴,所以係好考專注力耐力,你唔夠集中係做唔到。」即使對健視人士而言亦並非易事,加上一個琴不能將每一個音調獨立去聽,「而係一個協調,要做到個琴先至靚。」視障人士學習時亦自有一套調音方法,會按一個程序進行,以免雙手「飛嚟飛去」找不到定位。

Calvin認為,很多人對調音師有誤解,「以為聽到粒音就得,其實仲要隻手調較到理想位置、同埋準確喺個位,三者要配合其實很難」。他又指港人偏向待鋼琴「彈唔郁」才會調音,笑言「唔知點解佢哋梗係覺得拎幾百蚊調音佢唔捨得,但又可以拎4、5萬蚊買個琴返嚟」;另外就是盲人在這個行業得到的支援較少,例如較難有實習機會,因大型琴行均會自己內部培養調音師。他又表示,不同國家、品牌的琴,調音手法會有點分別,例如有些琴的弦軸很容易定位,有些則會彈回去即俗稱「彈線」,「練習得多就會慣」。

近年香港盲人輔導會提供相關課程教授視障人士調音,但未有合適人才教授維修鋼琴技巧,該會日前邀請中國先天失明的國家鋼琴調律高級技師李任煒,教授眾人維修技巧,令學員可以更為獨當一面,亦會提供一些適合視障人士使用的維修工具。李師傅指,調音方面視障和健視人士所使用工具大致一樣,只是在維修方面有些不同,例如前者的千分尺會加上凸點。

香港盲人輔導會表示,視障人士可從事的工作相當廣泛,例如辦公室助理、社工等等。若有意聘用視障人士為鋼琴調音,可聯絡致電37238215或Whatsapp 64808144查詢。

本文來源:http://hk.apple.nextmedia.com/realtime/news/20170828/57123559




Tag:
本文链接:http://www.thaiboxinghk.com/24633.html