【消委會】洗頭水含二噁烷 市民擔心:平時唔會留意成分

朱永倫攝

消委會就市面上60款洗頭水進行測試,發現超過6成樣本驗出二噁烷,2成驗出可致敏防腐劑MIT及CMIT,消費者接觸CMIT和MIT可導致不良反應,包括皮膚痕癢、出紅疹,嚴重可引致敏感性接觸皮膚炎。不少市民得知後均感到擔心,指日後購買洗頭水會留意其成分。

陳同學表示,平日會根據自己的髮質選擇洗頭,由於自己髮質較乾,會選購有潤髮功效的洗頭水,且不會經常轉換洗頭水,除非正在使用的洗頭水導致頭髮或頭皮受損,才會考慮更換。她指早上聽到洗頭水含二噁烷時都感到擔心,「因為聽到話起泡劑對頭髮有害,會返屋企睇下我自己依家用緊嘅洗頭水有冇」。陳承認平時買洗頭水不會留意成分,下次買時會留意,避免購買含二噁烷的洗頭水。

伍小姐指會因應髮質選購洗頭水,因自已不是敏感性皮膚,且有自己慣用的洗頭水牌子,因此不擔心正在使用的洗頭水有問題,「唔會擔心,因為用咗好耐,都冇敏感呢個問題,除非真係唔啱用先換。」

鄭小姐則指,經常換不同的洗頭水,希望找到適合自己的,「如果真係啱就會keep住用嗰個」。她指平時購買前會先了解洗頭水有何成分,是否適合自己的髮質等,日後買洗頭水會更留意成分。

本文來源:http://hk.apple.nextmedia.com/realtime/news/20170815/57084256




Tag:
本文链接:http://www.thaiboxinghk.com/22886.html