【李八方online】垃圾桶出賣豬腩肉 撩細路女又中伏?-www.thaiboxinghk.com

【李八方online】垃圾桶出賣豬腩肉 撩細路女又中伏?

特首林鄭月娥赴京拜訪部委,唔等於新班子官員可以趁阿姐唔喺度時唞一唞。阿姐話過家嘛,問責官員必須瞓身喺「盛事」亮相,所以今日康文署主辦嘅嘅「全民運動日」,各問責官員都不敢怠慢,至少六名局長四出同市民做運動,民政事務局局長劉江華仲為此犧牲色相,露肉推動唔知會唔會博得阿姐擊節讚賞?

林鄭身在北京,署理特首張建宗自然要擔大旗,佢今日喺沙田區圓洲角體育館領軍出勤同市民分享做運動嘅樂趣,除咗觀賞「快閃舞」表演,以及為親子律動同彩虹傘遊戲主持拋波禮,亦有參觀室內划艇、毛巾健體操、輪椅劍擊、地壺球同樂活動,更親自落場同小學生一齊玩室內草地滾球活動。

但係肥仔張點樣落力法,都不及劉江華搶鏡,皆因劉華局長不惜犧牲色相,同市民做毛巾健體操時不慎露肉,而在場人士第一時間諗到嘅,相信只有呢一句「仲有最靚嘅豬腩肉......」而佢同肥仔張參加彩虹傘律動遊戲時,就要反其道撐「拉布」以便拋接大球,其間仲要不時踎低後起身,有冇見頭暈?劉江華話冇。

本文来源:http://hk.apple.nextmedia.com/realtime/news/20170806/57048910




Tag:
本文链接:http://www.thaiboxinghk.com/21805.html