【日本腦炎】捐血者居嘉湖山莊 居民怕蚊咬穿長袖衫自保

本港出現全球首宗有人因輸血感染日本腦炎個案,46歲的男捐血者,住天水圍嘉湖山莊,他在5月29日捐血但一直沒有出現病徵,5月曾去過倫敦,回港後在觀塘工作,不過,他記憶中並無被蚊叮過。捐血者家住嘉湖山莊,引起居民關注。衛生防護中心今早於嘉湖山莊景湖居會議室舉辦「日本腦炎健康講座」,只限嘉湖山莊居民參加。

景湖居業主委員會主席謝先生於講座後接受訪問指,講座上衛生防護中心工作人員向居民講解日本腦炎,及介紹會導致日本腦炎的蚊種,「呢隻日本腦炎嘅蚊衛生防護中心職員講通常係黃昏到第二朝朝早出現,叫居民如果呢一段時間真係要外出要着啲長袖衫,或者噴啲蚊怕水。」

謝指講座上居民都表示擔心,長期都收到不少居民投訴屋苑內多蚊,「都擔心,因為好多時一落到樓下都好多唔同嘅蚊,俾佢咬,或者好多細嘅蚊仔。」謝生表示過往屋苑每一、兩個月才進行一次大型的滅蚊行動,包括噴滅蚊噴霧及撒蚊油,屋苑內安置有滅蚊機,燈柱亦貼有蚊貼。惟雨季多積水,蚊蟲較易滋生,謝生指會要求清潔公司加強清除屋苑積水的次數,杜絕蚊蟲滋生。他又指會要求食環署於屋苑外圍進行滅蚊工作。

講座上要求出席者填寫問卷,「要出席者都填一啲問卷,有冇俾蚊咬過,最近有冇外遊紀錄,或者家庭成員有冇啲類似情況。」謝生指若居民有需要或相關症狀,要看醫生。謝生指講座後沒有居民抽血進行檢驗,「好多居民都唔係覺得咁迫切需要。」

參加講座的居民蔡先生指講座上衛生防護中心職員提醒市民盡量避免黃昏至清晨時間出現,因家中若有蚊,可安裝蚊帳,若黃昏時外出時要穿著長袖衣褲。

王女士指知道捐血者住在天水圍,但不知道住在嘉湖山莊,「如果係嘉湖,咁係唔係姐係周圍啲蚊係有事呢?」王太指平時屋苑公園多蚊,「都多嘅,我反而覺得啲蠓仔比較多。」王女士認為屋苑滅蚊方面可以再做好點,一星期一次較可接受。王指平時會自製滅蚊膏,且外出時穿著長袖衫長褲,避免被蚊咬。

張同學指家裡雖住在高層,但偶爾都會有蚊入屋,「因為都係面對着啲叢林。」她認為屋苑多綠化工程是導致蚊蟲滋生的原因,自己有在屋苑內被蚊咬,特別最近經常落雨,出現積水問題,「有陣時啲積水佢處理得唔係好好,所以一落大雨呢就好容易有積水,之後就會有好多蚊。」張同學指屋苑防蚊措施不足,建議加強除積水。

張小姐指昨晚在沙田公園被蚊叮,「返到嚟睇到單新聞,好驚呀。」她指平時屋苑內多蚊,「如果你落嚟公園呢度,呢啲位其實都多蚊嘅,所以我哋盡量運動嗰時都會着長袖,多啲噴防蚊。」張小姐指從去年開始屋苑內多了蠓蟲,建議屋苑加強防蚊措施,「其實佢都有定期去除一啲蟲,但係冇辦法啦,因為佢始終咁多綠化嘅地方,除唔晒,你一落雨就一定會有蚊。」

記者現場所見,屋苑內每個燈柱上均貼有蚊貼,蚊貼上黏著密密麻麻的蚊蟲,屋苑內不時有「蚊滋」出現。 【日本腦炎】捐血者居嘉湖山莊居民怕蚊咬穿長袖衫自保

本文來源:http://hk.apple.nextmedia.com/realtime/news/20170722/56987969




Tag:
本文链接:http://www.thaiboxinghk.com/19927.html