【同性情感難講出口】新歡陪去加國 何韻詩憶舊愛:人總會有過去-www.thaiboxinghk.com

【同性情感難講出口】新歡陪去加國 何韻詩憶舊愛:人總會有過去

何韻詩今日喺書展為自己第三本作品《行旅。往後》舉行座談會,佢話今年踏入40歲,覺得人生要做啲唔同嘅野,所以佢特登去番加拿大呢個成長嘅地方,再寫一啲以前同o依家,自己所經歷嘅事,而有今時今日嘅價值觀,佢話:「我有返校園,諗起好多以前暗戀過嘅人,但冇搵番佢哋,我以前只識暗戀,唔識表白,因為嗰個時候,同性情感唔係咁易講出口,只係會暗戀、暗戀、暗戀,我以前有個暗戀同校同學,特登兜去佢個課室偷望,好明張目膽。」

問到何韻詩o依家係咪唔使暗戀人,因為好多人反暗戀自己,佢話:「唔好咁講,細個冇自信,住嘅環境係小眾,所以比較內歛,唔似o依家咁癲喪。但我o依家係心如止水。」

之前傳佢同鄧九雲感情被助手方迦南介入而分手,今日活動上,助手方迦南都有喺度幫手,但係見記者喺現場就少少避忌,被問助手嚟幫手,而同日鄧九雲都會出席書展,會唔會捧場等等問題、同埋會唔會支持舊愛,何韻詩話:「唔講呢啲。」而呢本書助手有幫手一齊去加拿大,睇住何韻詩回憶舊戀人會唔會好心酸,何韻詩話:「唔會,人總會有過去。」

本文來源:http://s.nextmedia.com/realtime/a.php?i=20170721&s=7018882&a=56984239




Tag:
本文連結:http://www.thaiboxinghk.com/19848.html