【年輕媽媽】19歲意外懷孕被歧視 少女:冇後悔過-www.thaiboxinghk.com

【年輕媽媽】19歲意外懷孕被歧視 少女:冇後悔過

 

「有啲人行過,望住我,我都會由得佢。但係有啲目光,真係唔知想點。」阿C由懷孕開始,直到現在帶著三歲多的女兒外出,都會被投以一些歧視的目光,她表示已經見慣不怪。她指自己雖然已經習慣,但仍不明白為何人人都是這樣照顧小孩,自己年輕就一定比較差。

當年阿C十九歲,意外懷孕,和當時的男友組織一個年輕家庭。回想當日,阿C坦言自己也有過掙扎,「一開始,我都有諗過唔要個小朋友。諗到自己仲讀緊書,如果要生小朋友,就冇得返學,將來點呢?」但又想到要為肚中生命負責任,所以決定把女兒生下來。她坦言人生的計劃的確被打亂,但一點也不後悔,「有得再揀都會咁揀,見到小朋友成長係件開心嘅事。」

成為人母已經三年半,阿C體會到要當一個好媽媽很難。「成個人生都係關於佢,開心又好,唔開心又好。」她每天的時間分配就是,先送小朋友上幼稚園,然後自己也去上學;放學後就去接女兒放學。所以,家務只能留在星期六、日做,但阿C每天都會抽時間和小孩玩。她形容:「個人時間幾乎冇,想睇場戲都難。」她慶幸在女兒三歲多開始上幼稚園之際,學校重新收她為生,她也可以重拾設計的專業。既是全職媽媽又是全職學生,真的不容易,阿C想對自己說一聲:「我已經盡力啦!」

採訪:非從
攝影:王晴

相關連結:
【年輕媽媽】被定形唔識湊仔 社工:佢哋好努力
http://bit.ly/2u4JcfV

本文来源:http://nextplus.nextmedia.com/news/latest/20170719/531297




Tag:
本文链接:http://www.thaiboxinghk.com/19607.html