【真係多謝曬】DSE監考員睇錯鐘、早收卷 考生獲加1分!-www.thaiboxinghk.com

【真係多謝曬】DSE監考員睇錯鐘、早收卷 考生獲加1分!

 

中學文憑試星期二已經放榜,今屆DSE的6位狀元經已誕生,6位考生全部考獲7科5**,共3男3女,而其中1名來自名校女拔萃書院的「超級女狀元」林莉雯更考獲8科5**。DSE放榜要講實力,亦要講運氣。今屆中學文憑試有試場疑發生「睇錯鐘、早收卷」烏龍事件,有當日應試的考生日前收到考評局通知隻獲額外加1分,認真「真係多謝哂!」

今年4月有考生向《蘋果日報》投訴,指自己在大角咀中華基督教會銘基書院應考期間,有監考老師疑「睇錯鐘」,指電台廣播聲帶完結時間為早上10時57分,但監考老師疑錯誤記錄為10時52分,最終監考老師提早5分鐘收卷。銘基試場發生「睇錯鐘、早收卷」事件後,當時考評局就回應指考生須於考試日後7天內向當局報告。

近日有DSE考生在Facebook專頁「名校 Secrets」分享日前收到考評局的電子通知書,指自己正是4月在銘基書院應考英國語文科卷三(聆聽與綜合)的考生,該考生指自己向考評局上訴後「竟然淨係加一分」。

該考生附上有關考評局電子通知書的圖片,內容講及考評局會按比例調整當日該試場內考生的得分,按情況為該同學加1分,並指有異議的考生可在7月17日前提交上訴覆核申請。不過該考生似乎不太滿意隻能加1分:「點知上訴結果竟然淨係加一分。我心諗用5分鐘嚟做乙部都唔隻做得一分啦,雖然你話就話會加分,但你都唔好淨係加一分吖,大佬......」

有不少網友紛紛留言,有人指自己與該同學情況一樣,但就「加左兩分⋯⋯」,亦有人指「我3分!」。有過去考生分析,加分機製「要睇返佢成份卷個total score係幾多先,80分full mark的 1分同160分full mark 的 2分係一樣 」,亦有人認為 「其實考評局或其轄下考場失誤根本唔應該由學生承擔後果」 ,額外加一分就如當考生乞衣一樣看待。

其實不隻英文卷多人討論,有網友亦貼出通知書,指自己應考中文卷3時,監考老師「早咗3-5分鐘收卷」,但通知書就顯示自己獲考評局加5分,有網友指「加5分隨時兩個grade」。咁究竟1分對該科整體成績有幾大影響呢? 考評局又會因應咩情況加幾多分呢?

《壹》仔致電考評局了解,考評局公共事務組謝小姐就指:「個評分我哋會視乎學生成績再按比例調整,好似成績比較好嘅學生同表現無咁好嘅學生,同一時間考嘅分唔會一樣,我哋會因應唔同情況有唔同處理,委員會之後會考慮建議。」咁1分對個Grade影響大嗎?「好難評論,因為本身每一個分個Cut Score我哋會保密嘅」,不過謝小姐就話「如果你想Check番份卷有無分,我可以話返畀你聽」,唯她表示未能解釋1分對整體的影響有多大。

英皇教育英文補習名師Alan Chan接受《壹》仔致電訪問時,表示英文卷3佔英文科三成分數,是公開試4份卷當中佔最重。Alan Chan表示:「Part A同Part B佔分係各佔一半左右,其實1分唔會太Significant(重要)。通常考得比較好嘅同學,Level 4至5**通常5-7分先會影響評級,而Level 1至3通常就10分左右先會影響評級。」他又指:「其實今年題目正路,8成同舊年嘅模式相約,2成係創新嘅主題。」但Alan補充,如果同學額外加的分數剛好碰到等第評級,即「升Grade邊緣」,該額外加的1分就會影響整體成績。

而另一位英文科補習名師Anabelle Mak就表示,考評局不再完全「拉Curve」,改為水平參照,因此「好難講個1分對整體成績嘅影響,除非係咁啱掂到升Grade Margin,譬如75-77分係Level 5,78分係5*,加1分就會對Grade有影響。」不過,她明言加1分掂到「升Grade邊緣」的學生個案不多,每年成功申請覆核而加分影響整體成績的紀錄少。Anabelle亦指:「今年有個好特別嘅情況出現,其他卷考得不錯的學生裡大多數在Paper 3失手,今年考題較往年冷門,較往年難度高一點。」

中文科方麵,《壹》仔致電英皇中文科補習名師洪偉權了解,他指:「其實中文科卷3加一分對成個Grade影響不太大,卷三佔18%,乙部綜合能力佔卷三80%,考評會用四柱評分法,而通常加2至3分先會影響成個成績。」

相關連結:

【林作反狀元讀醫】即時反擊網民指責:狀元讀醫隻係跟人行好悲哀
http://bit.ly/2t3Rl77

【男神狀元】考第一常客 皇仁仔關心時事:希望劉曉波有生存尊嚴
http://bit.ly/2tGFc6H

【五校出狀元】女拔超級狀元大談劉曉波 九龍城民生爆冷
http://bit.ly/2u6LaPb

【DSE放榜】喜見民生出狀元 校友王維基︰我都仲考緊試
http://bit.ly/2sPhTF4

【父親陪撲校】男生成績未達標落淚 父子博恒管:好似對阿爸唔住
http://bit.ly/2udIdvX

【DSE放榜】會考龍虎榜 邊個名人成績最好?
http://bit.ly/2tehECM



本文來源:http://nextplus.nextmedia.com/news/latest/20170714/529693




Tag:
本文链接:http://www.thaiboxinghk.com/19071.html