【DSE放榜】超級女狀元灑淚感謝父母支持 冀盡能力做醫生助人-www.thaiboxinghk.com

【DSE放榜】超級女狀元灑淚感謝父母支持 冀盡能力做醫生助人

【新增動新聞】
傳統名校拔萃女書院再一次成為女狀元搖籃。該校現屆文憑試考生林莉雯(Maggie)除了考獲7科5**外,更連數學延伸單元都考到5**佳績,成為今年全港唯一一名「超級狀元」。Maggie今早身穿校服回校,從校長手中領取滿佈「星星」的文憑試成績單時喜上稍眉。

Maggie的媽媽亦有到場分享女兒的喜悅,Maggie接受訪問時一邊哽咽一邊感謝父母對她的支持,「成日都提我『夠鐘瞓覺喇喎!你瞓未呀?唔好咁辛苦呀!』佢哋又會煮啲好嘢我食,就算有時我好想留喺屋企溫書,佢哋都會拉我出去食餐飯。」她又指父母對她學業沒有太大要求,「可能考得唔好,但佢哋會話『唔緊要,最緊要知錯喺邊度,下次做得好啲就得喇!』」,直指父母對她心理上的支持對她應付DSE很重要。

至於讀書心得,Maggie寄語學習不要怕犯錯,「最重要係知道錯喺邊度,唔好怕去問」,她又指不少考生都會忽略休息的重要性,「我瞓得比較多,每日一定要有8個鐘」。對於將來路向,Maggie和不少狀元一樣希望能讀醫科,她解釋因為媽媽和婆婆都曾經患病,自小已被醫生這個職業吸引,「後尾有參加唔同嘅義工計劃,同埋有屋企人患病,了解多啲,就覺得呢份工作好偉大同好有意義,既然我有呢個能力,就想用呢份知識去幫唔同嘅人。」

被問到患有末期肝癌的諾貝爾和平獎得主劉曉波應否保外就醫,Maggie就指:「作為一個醫生,唔應該考慮政治背景,要睇佢嘅健康狀況,考慮係咪要出國醫治......要以病人利益出發」,不過她補充現時資訊不足,未能定斷劉的情況。對於港獨問題,林就稱自己一直專注讀書,「無乜留意(政治)呢方面」,未來會再追看新聞。

林太則替女兒高興,稱「聰明才智其實人人差唔多,係差在勤力」,她又指紀律對學習很重要,但不會太限制女兒的發展。Maggie的哥哥正在劍橋大學修讀人類社會政治,林太笑言子女讀書成績出眾是靠他們自身的努力,「我會同佢哋講你自己盡咗力就得,叫佢哋問自己有無盡力」,又稱自小教育兩兄妹「幫人最重要」。

Maggie則指哥哥將來望從事教育,「佢個人好有熱誠,成日講教育可以改變生命」,自言亦受他影響,認為教育非常重要。她又認同新任特首的林鄭月娥有盡力在教育上投入更多資源,令更多人可接受教育,「希望佢將來喺呢個崗位為港人服務」,但她指林鄭剛上場,應給予對方時間看其施政表現。

本文來源:http://hk.apple.nextmedia.com/realtime/news/20170712/56944352




Tag:
本文链接:http://www.thaiboxinghk.com/18785.html