【習總訪港】「第一先生」被「捕獲」 笑談林鄭明宣誓心情緊張-www.thaiboxinghk.com

【習總訪港】「第一先生」被「捕獲」 笑談林鄭明宣誓心情緊張

候任特首林鄭月娥丈夫林兆波今晚出席國家主席習近平的歡迎晚宴,他提前離開時被記者問到林鄭明日上任,他指妻子心情緊張和戰戰兢兢,因要準備宣誓,會鼓勵林鄭和少騷擾她。他指與習近平晚宴氣氛很好,雙方有握手,習主席鼓勵林鄭為香港努力。而新特首家庭要兩個月後才搬入禮賓府,期間按建築署要求做維修保養,但不會特別裝修。

明日太太成為特首,他向林鄭說「努力啦,為香港市民做事啦。」未來5年自己留在香港讀書,目標學習拉丁文,會做林鄭其背後的男人,但不會做公職,「暫時去旅行會比較少,佢好忙,冇佢一齊冇乜趣味。」他指林鄭不會講開心與否,隻能觀察情緒,有苦有樂,但樂多於苦,「我隻能夠從情緒嚟睇,呢啲詳細佢唔會講嘅,事實上唔應該講畀我聽,就算老公都唔應該知。」

被問到明日7.1遊行,會否影響林鄭上任,他答:「睇嚇人數幾多,但遊行喺香港係好平常嘅事嚟啫,佢哋有乜意見我哋就聽囉。我哋嘅意思係政府,我聽就冇乜意思,我唔會插手政府運作。」

他稱自己獨自離開,因為要與來港兒子準備明日參加特首宣誓程序。離開時他拍拍一位記者膊頭,笑言「畀你捕獲」。

本文來源:http://hk.apple.nextmedia.com/realtime/news/20170630/56898611




Tag:
本文链接:http://www.thaiboxinghk.com/17319.html