中環出更:肥彭陰魂不散 又對港事務指指點點-www.thaiboxinghk.com

中環出更:肥彭陰魂不散 又對港事務指指點點

末代港督彭定康(肥彭)尋日喺英國倫敦出席新書發佈會,又再「回魂」對香港事務「指指點點」,聲稱最近一、兩年有跡象顯示北京正收緊對香港嘅掌控,包括香港嘅司法獨立同法治都受到攻擊,院校自主亦受到威脅;佢又話北京拒絕與香港爭取民主的聲音對話,令到部分人走向極端。

彭定康早前對港事務發表嘅言論,被狠批顛倒是非黑白。(資料圖片)彭定康早前對港事務發表嘅言論,被狠批顛倒是非黑白。(資料圖片)

肥彭聲言,中央領導人應該重申已故領導人鄧小平對「一國兩制」嘅承諾,又稱與其將「一國兩制」當成口頭禪一樣不斷重複,北京應該更理解香港各種制度嘅意義。

類似論調十日前已發表

不過,肥彭唔同意香港一啲青年同學生爭取香港獨立,因為香港唔係一個國家,堅持獨立只會被強硬嘅北京玩弄於股掌之間,亦會令民主運動失去好多支持,佢認為香港應聚焦喺爭取民主同法治,好過走上「港獨」嘅分岔路。

其實肥彭類似「指指點點」嘅論調,早喺十日前透過預先錄製嘅影片已出現,當時佢質疑北京近年收緊對香港管治,嘗試干預港府每個環節,更稱香港三權分立中嘅「立法」一環倒退,令港人難免變得激進,多名政界人士均狠批對香港事務指手畫腳,顛倒是非黑白。

卓妮


本文來源:http://orientaldaily.on.cc/cnt/news/20170627/00176_096.html




Tag:
本文链接:http://www.thaiboxinghk.com/16731.html