【李八方online】老董報警拉689?-www.thaiboxinghk.com

【李八方online】老董報警拉689?

特首梁振英就快卸任,連日佢接受唔少友好傳媒採訪,為佢任內5年政績不斷唱好,作為梁御用網媒《港人講地》,又點少得為梁特宣傳?佢哋噚晚上載咗條由政府新聞處前處長丘李賜恩講梁特嘅片,除咗為過去新聞多多嘅第一家庭洗底外,仲爆梁特有次帶住電筒去花園睇花花草草,畀住係半山嘅前特首董建華見到,以為有賊入咗禮賓府,仲報埋警添!

梁特嘅第一家庭過去5年新聞多多,特別係梁特太太梁唐青儀同細女齊昕關係,更上晒報紙。丘李賜恩係《港人講地》條片入面話,其實梁特同兩個女關係不知幾好,仲話梁特有次同佢講,兩個女細時晚晚洗頭,梁特就會親自為兩個女吹頭,仲一路吹一路傾偈,問問功課點樣、同同學相處成點,丘太話梁特不知幾開心,話可以從中了解子女情況,丘太仲話從中可見梁特幾愛護子女同家庭喎。

另外,丘太又爆另一單料,話住係半山嘅前特首董建華,有次天未光起身去露台做運動,忽然老董見到禮賓府花園有啲光閃下閃下,唔通有賊入咗禮賓府?作為好市民嘅老董梗係第一時間報警!點知原來係梁特瞓唔著,又唔想騷擾人,於是自己半夜帶住電筒去禮賓府花園,睇佢自己種嘅花花草草,結果畀老董誤以為係賊!不過從呢件事睇到,原來老董同梁特都係鍾意天未光起身,唔怪得知佢兩個咁啱傾!

本文来源:http://hk.apple.nextmedia.com/realtime/news/20170618/56845761




Tag:
本文链接:http://www.thaiboxinghk.com/15681.html