中環出更:旗袍要夠潮 布料係關鍵-www.thaiboxinghk.com

中環出更:旗袍要夠潮 布料係關鍵

近期唔少名人都鍾意着旗袍出席活動,傳統與時尚兼得,不過「潮」同「娘」往往只係一線之差,好考眼光。早前卓妮喺沙田馬場見到本地時裝設計師林春菊(Janko),做旗袍闖出名堂嘅佢就認為布料係其中一個關鍵,由建築師轉行做圖案設計師嘅李漢樑(Herman)則以電腦運算方式設計不同圖案嘅布料,深受一班時裝設計師愛戴。

孫燕華(左起)、王賢訊同太太朱穎詩、羅寶兒都認為中式服裝易襯又顯氣質。孫燕華(左起)、王賢訊同太太朱穎詩、羅寶兒都認為中式服裝易襯又顯氣質。

沙田馬場尋日舉行一年一度嘅會員盃,一班女士因應主題穿着旗袍到場。其中Janko一身長衫裝扮非常特別,係以防水嘅風褸料所製,啱晒呢日落雨着,而斜襟位置嘅傳統鈕扣改埋做「啪鈕」,方便嘅同時現代感培增。

而身旁嘅友人麥瑄麟身上所穿嘅牛仔旗袍亦係Janko嘅作品,麥瑄麟就話揀買旗袍會考慮款式方唔方便,好似拉鏈同啪鈕咁,而佢身上呢件有潑墨效果嘅牛仔布配旗袍剪裁就令成件事型好多,一啲都唔娘喇!

王賢訊着中山裝被人誤認侍應

仁濟醫院副主席王賢訊同太太朱穎詩、長衫薈成員陳淑芝、冼國林太太羅寶兒、灣仔區議員伍婉婷、饒宗頤學術館之友創會會長孫少文女兒孫燕華等,亦穿着中式服裝現身。一向鍾意着中山裝出席活動嘅王賢訊笑言入面着tee都得,又唔使打呔,但自爆試過被誤認侍應,所以依家就醒目一係唔着黑色,着嘅話入面就加番恤衫,加上佢留咗鬚所以就冇咁似。

朱穎詩就話對旗袍特別有親切感,事關佢中學校服都係長衫款式,記得最初着住長衫返學搭校巴上梯級時仲會「爆衩」成日要自己縫番,慢慢習慣咗之後着住打排球都冇問題。孫燕華同羅寶兒就鍾意着住旗袍時行路同坐立姿勢都變得優雅,氣質急升。

林春菊(右)身上旗袍用上風褸料製作,麥瑄麟(左)則穿上牛仔布款式旗袍。(溫國佳攝)林春菊(右)身上旗袍用上風褸料製作,麥瑄麟(左)則穿上牛仔布款式旗袍。(溫國佳攝) 陳淑芝(右)自己做嘅旗袍用上李漢樑(中)設計嘅創新圖案布料,旁為伍婉婷(左)。陳淑芝(右)自己做嘅旗袍用上李漢樑(中)設計嘅創新圖案布料,旁為伍婉婷(左)。

卓妮


本文来源:http://orientaldaily.on.cc/cnt/news/20170619/00176_086.html




Tag:
本文链接:http://www.thaiboxinghk.com/15664.html