【MPF對沖】一表睇曬4方案 長服金取消無期僱主或藉故炒人-www.thaiboxinghk.com

【MPF對沖】一表睇曬4方案 長服金取消無期僱主或藉故炒人

政府提出的新方案建議先取消遣散費對沖,暫保留長期服務金對沖,留待下屆處理。勞顧會勞方委員周小松指出,若長期服務金對沖拖延多年才處理,甚至取消無期,只會製造更多勞資糾紛,「到時僱主解僱年資長嘅員工,唔會認係遣散,唔使畀遣散費,就用長服金去對沖,抵銷開支,肯定會有好多爭拗」。

根據現行《僱傭條例》,僱員連續受聘不少於24個月,若因裁員遭解僱、停工或合約期滿,可獲遣散費補償。若連續受聘不少於5年的僱員,非因裁員或犯嚴重過失而遭解僱,或合約期滿、在職死亡、因健康理由辭職或年老退休,就可獲長服金。目前遣散費及長服金補償,以僱員三分二月薪上限1.5萬元,再按服務年資計算。

職工盟統籌幹事王宇來指出,現時僱主解僱長年資員工,姑勿論裁員與否,均需支付遣散費或長服金,因現時可對沖,故兩者沒分別。如果將來只取消遣散費對沖,僱主因裁員而解僱年資長員工,可找其他解僱理由以圖用長服金對沖,逃避支付遣散費,「可以話你業績唔達標或者能力唔得,所以解僱;但炒完你就去勞工處登廣告請人,證明唔係裁員,但永遠唔會請人」。

例如一名月薪3萬元、年資20年的員工,若將來因裁員被解僱,他可獲得30萬元遣散費,強積金不用被對沖;若僱主以其他理由如表現不佳解僱,則可選擇支付長服金,雖然金額同樣是30萬元,但因為仍可對沖,大部份長服金在僱主強積金供款部份扣除。

王宇來批評政府斬件式取消強積金對沖,只會引起更多不合理解僱和追討個案,「梁振英承諾取消強積金,呢條數一早要找,家臨尾只找一半,自己先做容易嘅,但就埋低個炸彈畀下屆處理」。

記者 王家文

本文來源:http://hk.apple.nextmedia.com/realtime/news/20170616/56834324




Tag:
本文連結:http://www.thaiboxinghk.com/15294.html