【野人之子】怪獸家長唔識教兒女享受大自然 「一窩蜂去自拍冇用」

 

愛子深切的父母,會以「污糟、危險」為由,阻止小朋友接觸新事物。相反,現職「自然脈絡」總幹事、綽號「野人」的莫皓光表示,在安全情況下,會讓今年一歲大的兒子莫期,隨意抆草摸石、在屋外四圍爬,「如果咩都唔俾佢接觸,咩都話危險,佢就不識得去面對危險。唔係將佢封鎖在安全區內,出面嘅世界最好唔好接觸。」

貫徹綠色生活、數年前與太太搬入八鄉鄉郊生活的野人認為,現代的父母甚少接觸大自然,亦不懂教兒女享受自然,「一個小朋友從小都喺溫室、城市長大,他對大自然係零感覺,將來佢對大自然嘅破壞力仲大」。野人自幼讀書叻成績好,是老師眼中的優材生,「但係除咗讀書,好似無咩發生過。我以前讀書ok,但是自我照顧、適應力好弱。」他又指,如果當年懂得將小部分讀書時間抽起,相信童年會更愉快;又指作為家長,可以調節小朋友,「我們未必改變到教育制度,但是小朋友用咩態度去面對,就是我們作為父母控制到的範圍。」

野人認為「待人接物的態度比成績更重要」,他更著重小朋友「有無朋友,已經緊要過成績」,而考試只是反映某一方面的表現,「即使成績不好,對整個發展和成長都不會有很大影響;但是我們將這件事放到很大,家長辛苦時,小朋友更辛苦」。

撰文:黎雅婷

攝影:李育明

本文來源:http://nextplus.nextmedia.com/news/latest/20170606/517585




Tag:
本文链接:http://www.thaiboxinghk.com/13945.html