【7評689】夢熊大師一句秒殺梁特 自揭點被CY-www.thaiboxinghk.com

【7評689】夢熊大師一句秒殺梁特 自揭點被CY

「拍錯手掌,燒錯炮仗,投錯票箱,撐錯老梁」。前頭號「梁粉」劉夢熊7年間由特首梁振英的親密戰友,變成陌路人和赤柱階下囚,有份捧CY上權力寶座,劉夢熊毫不客氣狠批他令社會撕裂空前恐怖,但不應高估其好勇鬥狠,「佢應硬時唔硬,應軟更加無軟」,形容梁隻是個水平低的管治者。 

記者:袁楚雙

劉梁恩怨始於2010年3月,梁振英在兩會期間主動接觸時任全國政協委員的劉夢熊,大讚劉具政治智慧,邀他助打特首選戰,「我初步點頭,即刻畀佢打蛇隨棍上」,表明想劉幫忙,為N年不選特首論和地下共產黨員傳聞拆彈。同年5月,梁出席劉太壽宴,上第3道菜時向劉夢熊稱天雨家中水浸,要告辭歸家善後,「點知佢第6道菜又返嚟:『夢熊,搞掂啦!』好畀麵。」

他覺得梁對朋友有交帶,「我先畀佢感動,仆心仆命撐佢。」對手唐英年遲了一年才找劉,劉認為唐誠意稍遜:「佢由頭到尾都係講紅酒,冇講任何政綱理念。」最終篤定撐梁,讚梁反應快,「佢需要利用一個人嘅時候,就識去做姿態,令人感動。」

劉落力造勢,CY終以689票踏上香港權力之巔,但疑出爾反爾無委任劉入行會,二人交情走下坡。2012年9月反國教與被指搞港獨的光復上水行動,劉均曾向梁獻計,但不獲接納,有次提出用不反對通知書等條例入手壓港獨聲勢,「佢麵燶燶咁,可能心諗『你教我做嘢呀?』始終冇鬱手。」他未料梁卻在2015年施政報告點名批評港大《學苑》。劉夢熊說,梁振英處理港獨「先投降後冒險」,致局麵進退失據,反映他管治思維混亂,「有人話佢鬥爭成性,其實有時都唔係咁,我覺得佢水平好低,依我見解,佢應硬時唔硬,應軟更加無軟。」

2014年政改方案討論得鬧哄哄,劉記得當時連建製派在內,無一政黨提出過半數提名的特首選舉方案,唯最終人大常委會按中央港澳工作協調小組意見拋出8.31決定,「當晚啲高官,除咗佢(CY)一個人烚熟狗頭之外,個個都燶口燶麵。」他認為梁無據理力爭有利香港的方案,對港人普選願望落空有不容推卸的責任。

隨後的79日佔領運動,更揶揄梁「掟87粒催淚彈引起人怒火」,之後卻做縮頭烏龜拒絕麵對群眾,劉反對佔領也落過佔領區與人理論,「我有畀人掟石、掟雞蛋咩?冇呀。咁你驚乜嘢先?」那梁振英怕甚麼?「怕群眾,冇自信囉!老實講掟蛋掟中你仲好,攞曬同情分。」

評梁治5年,劉夢熊指論修身他有UGL事件的5,000萬元未申報要受調查;論齊家又連環爆出齊昕摑母親、行李門等事件;治國下其敵我意識更是巨大錯誤:對立法會議員梁國雄說「真係忍唔住笑」缺乏政治風度;自由黨田北俊要求他落台反被「摵柴」失政協身份;疑炒前民政局局長曾德成得罪老左派,劉夢熊指社會上不論建製、泛民、行政立法關係等全麵撕裂,管治失大於得。

事實上撕裂的還有他與梁的關係,劉因威脅梁中止東方明珠案調查妨礙司法公正罪成。幾許風雨回望,他相信歷史自有公論,「佢咁樣對一個曾經全力以赴支持佢嘅頭號梁粉,到頭來殘酷鬥爭無情打擊,係一種咩啟示?仲係朋友咩?」


《蘋果》請受訪者回答三條問題,送別梁振英:
一)梁振英有乜優點?
「佢有啲嘢反應都幾快,同埋佢需要利用一個人嘅時候,就識去做啲姿態,令人感動,呢樣就係佢優點。」

二)如果100分為滿分,梁振英有幾多分﹖
「55分,唔合格,佢隻做咗梁營特首,嗰時講以後不分梁營、唐營、香港營,(承諾)落空咗,佢最經典嘅說話以後隻有香港營,問題係5年來佢連唐營都未團結到。」

三)對梁振英有何臨別贈言?
「希望佢好好領會,『計利當計天下利,求名應求萬世名』,唔好以為一時過骨一時得逞,就去忽略自己對歷史及人民的交代。」

本文來源:http://hk.apple.nextmedia.com/realtime/news/20170605/56778322




Tag:
本文链接:http://www.thaiboxinghk.com/13840.html