中環出更:驚愛犬被毒殺 梁青華出動口罩防範-www.thaiboxinghk.com

中環出更:驚愛犬被毒殺 梁青華出動口罩防範

近日香港各區都出現虐殺寵物嘅事件,一眾寵物主人除咗覺得憤怒之外,仲擔心自己嘅寵物會出事,就好似香港鐘表業總會前主席梁青華咁,每日早晚都會安排工人帶三隻狗出去散步,如果自己放假就一定會親自放狗,佢話狗始終都係為食嘅,行到邊聞到邊,咩都放入口,所以如果有人有意毒殺啲狗,都真係幾難預防啊,所以呢排可能要考慮嚇幫啲狗戴番個口罩。

梁青華話好擔心三隻狗會被毒害,考慮放狗時要幫佢哋戴番口罩!梁青華話好擔心三隻狗會被毒害,考慮放狗時要幫佢哋戴番口罩!

梁青華話已經訓練到啲狗唔吠人、唔咬人,加上同屋企附近嘅狗主都已經好熟落,所以平時放狗都唔需要綁狗帶,等啲狗可以自在啲周圍跑。佢又話其實唔鍾意動物唔緊要,但係「動物都有生命」,依家好多動物機構都願意收留寵物,實在冇必要殺死佢哋,所以贊成成立動物警察,相信可以加強阻嚇性,減少殺害動物嘅情況。

沈慧林養過自來雀

香港菁英會工商發展研究會副主席沈慧林都贊成要保護動物,特別係對於被遺棄嘅寵物,希望照顧到啲寵物自然離世。佢之所以有呢個諗法係源於初中時一次養雀仔嘅經歷,佢話當時屋企嚟咗兩隻自來雀,就順勢收留咗佢哋,但個鳥籠好多時都係打開嘅,兩隻雀日頭都會飛咗出去,到夜晚先返嚟,但養咗大半年左右,忽然有一日兩隻雀出咗去,但得一隻雀返,再過幾日連另一隻雀都冇再返嚟,令佢好擔心兩隻雀仔出咗意外,所以後嚟雖然冇再養寵物,但都仲係好關心動物福利。

沈慧林(左)自從養過自來雀之後就好關心動物福利!旁為佢妻女。沈慧林(左)自從養過自來雀之後就好關心動物福利!旁為佢妻女。 吳傑莊(右)同太太(左)以前一齊養過松鼠狗,仲話隻狗識得乜嘢食得、乜嘢唔食得。(徐家浩攝)吳傑莊(右)同太太(左)以前一齊養過松鼠狗,仲話隻狗識得乜嘢食得、乜嘢唔食得。(徐家浩攝)

香港青年聯會首席參事吳傑莊以前就養過一隻松鼠狗,但佢以前放狗嘅地方都比較乾淨,環境安全,所以冇擔心過隻狗會有乜嘢意外,而佢相信狗應該都有本能去分辨乜嘢食得、乜嘢唔食得,所以一直都好放心。不過,佢都有留意近日虐殺寵物嘅新聞,認為關於保護動物嘅法例已好耐冇修改過,可能要徵詢嚇公眾意見,與時並進嚇先得喇!

卓妮


本文來源:http://orientaldaily.on.cc/cnt/news/20180409/00176_070.html




Tag:
本文連結:http://www.thaiboxinghk.com/101821.html